Charter Document - 02360217
| Charter Number: | 02360217 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1219 |
| Date type: | Internal, A.D. |
| Resource Link(s): |
|
Charter:
Willelmus decanus et universum Autissiod ecclesie capitulum omnibus presentes litteras inspecturis in Domino salutem Notum fieri volumus quod cum apud Chicheriacum villam nostram nullus haberet torcular nisi nos et nos ibi unum tantum haberemus homines ville quoniam in tempore vindemiarum in suis [] ad libitum suum ejus copiam non habebatur grave vini sui frequenter dispendium sustinebatur unde multis supplicationibus tandem obtinuerunt a nobis ut quicumque vellet in eadem villa de hominibus manentibus vel mansuris ibi in posterum haberet torcular sub hac conditione quod de singulis quibuslibet marchis nos de prima gutta unum vini sextarium capiemus Preterea omnes poterunt pressorare ubi voluerunt in villa sine banno sed non poterunt extra villam exire pro pressorando Quod si facerent redderent quicquid deperiret canonicis cum emenda Quod nos pro utilitate ville ipsius annuimus eorum precibus inclinati sub tenore premisso In hujus igitur facti memoriam presentes litteras sigillo curie ad petitionem hominum predictorum fecimus roborari Actum anno Domini MCC nono decimo