Charter Document - 02360216
| Charter Number: | 02360216 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 |
| Date type: | Internal, A.D. |
| Resource Link(s): |
|
Charter:
Willelmus Dei gracia Autissiod episcopus omnibus presentes litteras inspecturis in Domino salutem Notum fieri volumus quod cum dilecti filii capitulum Autissiodorense querelas movissent nobili viro Droconi de Melloto super eo quod idem nobilis in terra capituli fulcas erigi fecerat videlicet in quodam monticulo qui est inter Sanctum Mauricium Tyroaille villam suam et Egliniacum villam capituli tandem nobis mediantibus et per dictum nostrum tunc se partes supposuerunt hinc inde id ordinantibus sepefatus nobilis fulcas utpote in prejudicium capituli fecit auferri et concessit ut fulcas ibi de cetero nec ipse levabit nec levari permittet a suis In cujus rei memoriam presentes litteras notari fecimus et sigilli nostri impressione muniri Actum anno Domini MCC nono decimo