Charter Document - 02360212
| Charter Number: | 02360212 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego Herveus comes Nivernensis notum facio universis ad quos littere presentes pervenerint salutem Noverit universitas vestra quod ego franchisiam illam quam karissimus dominus meus dominus Ludovicus domini regis Francie primogenitus fecit in terra quam filie nostre Agneti cum primogenito dicti Ludovici Philippo in maritagium dedi scilicet terram Montismirabilis Aloye Bracote Autoin Basochie et Froseii ita factam quod omnes qui in dictis villis mansionarii sunt et erunt singulis annis dabunt singuli de festagio pro singulis domibus die festo beatorum apostolorum Symonis et Jude quinque solidos turonensis monete ratam habemus et confirmamus salvis conventionibus que sunt inter ipsum dominum Ludovicum et nos Et hoc dando quittierunt de tolta et tallia salvis nobis et aliis consuetudinibus nostris quas ante debebant Et si eos contigerit forisfacere lege et judicio terre tractabuntur et si contigeret dictam terram reverti ad nos per conventiones que sunt inter dominum Ludovicum et nos memoratam omnimodo tenemus franchisiam sicut superius est tractata Quod ut firmum et stabile perseveret presentem paginam sigilli mei munimine confirmavi Actum apud Lorriacum anno Domini MCC octavodecimo mense julio