Charter Document - 02360211
| Charter Number: | 02360211 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego Herveius comes Nivernensis notum facio universis presentes litteras inspecturis quod cum ex donatione dilecte domine mee Blanche comitisse Trecensis et charissimi domini mei Theobaldi filii ejus comitis Campanie custodia Sancti Germani Altissiodorensis a riparia de Ermecon in antea versus comitatum Nivernensem in manu mea devenisset in qua custodia dilectus et fidelis meus Iterus de Tociaco feodum tenebat de quo erat homo predictorum comitisse et comitis et eis de eodem feodo tenebatur facere homagium Ne idem exeat de homagio dictorum comitisse et comitis ego teneor dicto Itero assignare tantum citra ripariam de Ermecon versus comitatum Nivernensem quantum valeat medietas proventuum illius feodi quod in predicta custodia possidebat et domina comitissa et filius ejus ipsi Itero tantum assignabunt quantum valet alia medietas proventuum feodi memorati Ipse autem Iterus tam de terra quam ei propter hoc assignabo quam de terra quam ei assignabunt prefati comitissa et comes in homagio comitisse et comitis remanebit In cujus rei testimonium presentes litteras feci fieri sigilli mei munimine roboratas Actum anno Gracie millesimo ducentesimo decimo octavo mense julio