Charter Document - 02360204
| Charter Number: | 02360204 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego Guido de Melligniaco omnibus presentes litteras inspecturis notum facio quod cum Johannes li Roiges contrairet et disturbaret donationem quam Petrus Omundus pater ipsius fecerat ecclesie B M Pontiniaci super quodam fonte qui situs est juxta Campum Juignet in dextra parte versus Lignerelles cum suis adjacentibus et restringeret communem viam que ducit Chableias et vertitur Fulcherias in tantum quod animalia fratrum Pontiniaci per eam non possent sufficienter transire tandem dictus Johannes coram me et fratribus Pontiniaci constitutus pro remedio anime sue et antecessorum suorum in puram elemosinam quitavit et laudavit et libere concessit in perpetuum dictum fontem cum suis adjacentibus et cum via qui ducit ad ipsum fontem Et insuper integre quitavit et elargavit dictam communem viam dictis fratribus que ducit Chableias ita quod inter communem viam et elargatam viam quam predictus Johannes quitavit predictis fratribus mensura est octo tesiarum sicut mete posite fuerunt et supradicti fratres quotiens voluerint poterunt fossata omnia reparare tam ea que circa fontem sunt et ea que sunt circa vias Hoc totum laudaverunt et concesserunt Agnes mater dicti Johannis et Adelina uxor ejus et Guillermus frater ipsius Ego vero quia de feodo meo erat et ut ratum haberetur in posterum presentes litteras sigillo meo roboravi Actum anno Domini MCCX octavo mense maio