Charter Document - 02360200
| Charter Number: | 02360200 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1217 - 1218 |
| Date type: | Internal, A.D. |
| Resource Link(s): |
|
Charter:
Eustachius sacrista et Philippus archipresbiter Autissiodori omnibus presentes litteras inspecturis in Domino salutem Notum fieri volumus quod cum venerabiles viri capitulum Autissiod coram judicibus a sede apostolica delegatis decano videlicet Trecensi et conjudicibus suis traxissent in causam quosdam burgenses Autissiodorenses super terram quam habebant extra muros Autissiodori super Yonnam in alveo molendinorum suorum que molendinis ipsis nocumentum prestabat tandem iidem burgenses coram venerabili viro Henrico cantore et me sacrista Autissiodori obtulerunt capitulo quod parati erant stare ordinationi duorum vel trium super hoc qui pari partium eligerentur consensu Electi igitur fuimus hinc inde nos duo et Henricus de Tornodoro civis Autissiodori fide prestita a burgensibus coram cantore predicto et me sacrista quod firmiter observaretur quicquid nos tres vel duo ex nobis pro bono pacis de contentione predicta inter eos et capitulum statuere curaremus Et ut firmior esset nostra ordinatio et processus pena centum librarum fuit sub hoc tenore apposita et fide jussores inde taliter obligati erga capitulum videlicet Johanne Porreti Boluns Petrus Bauderant et Renaudus de Monterolo Quod si quis burgensium ipsorum quod ab electis ordinatoribus aut a duobus eorum esset de premissis statuimus ratum quolibet modo non haberet dicti quatuor fide jussores pro eo qui resiliret pro pena solverent decem libras Et si omnes parere eidem ordinationi renuerent fide jussores centum libras nomine pene capitulo solvere tenerentur Nomina autem burgensium qui de nostra ordinatione firmiter observanda sub pena jam dicta coram cantore et me sacrista prout sepe dictum est fidem corporaliter prestiterunt sunt ista Petrus Bauderant Garrant Symon Johannes Lornus Gauterus Maleniger Stephanus Porreti Johannes Norreti Petrus Caprarius Gaufridus Caprarius Bertramnus Bernardus Caprarius Li Muez Renaudus de Monterolo Robertus Joymer Johannes Trepoine Henricus Lornus Henricus li Megeicers Jacobus Piscator Renaudus Trujoz Stephanus Guegnarz Dudo Bolunz Gauterus Drusuns Pognis Eramburgis Hec me archipresbitero absente facta fuerunt Restat dicere quid fuerit ordinatum Nos igitur tres ordinatores electi in unam convenientes ordinationis concordiam vocatis ad nostram presentiam partibus et certa die eis prefixa unanimiter pro bono pacis statuimus ut nullus omnino extra muros super aquam alvei molendinorum habere possit ultra duas tesias et dimidiam terre a ponte infra nec plantare nec figere nec projicere nec aliquo modo quidlibet facere subtus vel super quod hanc quantitatem excedat Quicumque autem in presentiarum plus habet usque ad instans Pascha ad quantitatem expressam superius resecabit Alioquin pro pena centum solidorum capitulo componeret et nichilominus resecaret Hanc igitur ordinationem prefatis burgensibus sub debito fidei interposite et pene commissione precepimus inviolabiliter observare Et ne quandoque revocetur in irritam vel inde scrupulus in posterum dubitacionis emergat in perpetuam memoriam presens confecimus instrumentum et sigillorum nostrorum duximus patrocinio communire Actum anno Domini millesimo ducentesimo septo decimo mense januario