Charter Document - 02360184
| Charter Number: | 02360184 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1216 |
| Date type: | Internal, A.D. |
| Resource Link(s): |
|
Charter:
Magister Philippus curie Senonensis officialis omnibus presentes litteras inspecturis in Domino salutem Noverint universi quod cum presbyter de Chaumeto suspectus haberetur de destructione cujusdam granchie in qua decima ejusdem ville communiter trahebatur precepimus ei quod juraret quod nec per se nec de assensu suo fuerat illa granchia destructa et quod per sex dies dominicos in parrochia sua omnes illos excommunicaret in generali vel etiam nominatim si ei constaret de aliquo quorum consilio vel auxilio res granchie fuerant dilapidate donec ad emendationem venirent Preterea adjecimus quod licitum est canonicis altaris Beate Marie Egiptiace de majori ecclesia Senonensis decimam trahere quando tractum habebunt in parrochia de Chaumeto ubicumque commode viderint expedire et hoc dictus presbyter in parrochia sua per quinque dies dominicos publice denunciabit et quod de cetero alicui qui decimam a dictis canonicis ad modiaverit nullum damnum inferet vel gravamen Actum anno Gracie MCC sextodecimo mense augusto