Charter Document - 02360182
| Charter Number: | 02360182 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Arbitration |
| Date: | 1216 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum rex Noverint universi presentes pariter et futuri quod cum inter amicum et fidelem nostrum P Senonensem archiepiscopum et nobilem virum Guidonem de Cappis super mercato de Chanloto coram nobis contentio verteretur asserente eodem archiepiscopo quod dictus Guido ibidem non poterat mercatum facere cum ibi antea non fuisset et id non posset fieri sine ejusdem archiepiscopi gravamine manifesto dicto vero Guidone e contrario dicente quod cum castrum illud teneret de comitissa Campanie de licentia ipsius mercatum ibi facere poterat Tandem pro bono pacis compromiserunt in Odardum marescallum Campanie et Guillelmum de Capella ballivum nostrum Qui longa deliberatione prehabita de consilio dilectorum nostrorum et fidelium A Remensis J Turonensis archiepiscoporum et quamplurium aliorum baronum nostrorum dixerunt quod dictus Guido de Chapis in dicto castro cum esset in marchia Francie et Campanie non poterat mercatum facere In cujus rei testimonium sigillum nostrum fecimus apponi Actum apud Meledunum anno Domini MCCXVI mense julio