Charter Document - 02360181
| Charter Number: | 02360181 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1216 |
| Date type: | Internal, A.D. |
| Resource Link(s): |
|
Charter:
Ego Guido de Monteregali frater Anserici domini Montisregalis notum facio omnibus presentes litteras inspecturis quod ego vendidi capitulo Beati Martini Turonensis pro duobus millibus libris pruviniensibus quicquid habebam in villa Chableiarum in toto territorio ejusdem ville in hominibus terris censibus et omnibus rebus aliis excepto feodo domini Noeriorum quod jam domino Montisregalis quitaveram si quid juris habebam Hanc autem venditionem uxor mea Alaidis et dominus Andreas frater meus laudaverunt et concesserunt Quod ut ratum permaneat presentem cartam sigilli mei appensione confirmavi Actum anno Gratie MCCXVI mense julio