Charter Document - 02360173
| Charter Number: | 02360173 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1216 |
| Date type: | Internal, A.D. |
| Resource Link(s): |
|
Charter:
Omnibus Christi fidelibus ad quos presentes littere pervenerint Guillermus Odardi precentor ecclesie Beati Martini Turonensis prepositusque Chableiarum salutem in Domino Universitati vestre notum facimus quod nos anno Domini MCC sexdecimo contulimus capitulo ecclesie Beati Martini Turonis quidquid tunc temporis acquisivieramus in villa et in territorio Chableiarum in domibus videlicet vineis pratis et rebus aliis que pro majori parte nominatim duximus exprimenda Domum in qua carnes venduntur furnum quem acquisivimus a monachis de Regniaco cum domo contigua et cellario dimidium furnum qui fuit Marie Altissiodorensis cujus medietatem solebant habere prepositus et capitulum modo decetero capitulum habebit tres partes et prepositus quartam dimidium furnum qui fuit majoris granicam que fuit Bernardi Leprosi cum pertinentiis ejusdem torcular ante ecclesiam in platea que fuit Odini omnes vineas quas tunc habebamus apud Chableiam preter vineam de Sychi et vineam Barbate que sole erant prepositi lapidicina cum pertinentiis prata que fuerunt Arenberti cantoris pratum quod fuit Marie de Altissiodoro cum saliceto cujus prati medietas solet esse capituli et prepositi sine saliceto modo de cetero tres partes erunt capituli cum saliceto quarta pars erit prepositi sine saliceto pratum quod fuit Garnelini insulam que fuit Ade de Berro que tamen erit communis capitulo et preposito censum qui fuit Robe et Bertini terram que fuit Arenberti versus Chichiacum et omnia alia que tunc ibidem acquisieramus si qua non sunt hic expressa Omnia tamen supradicta in vita nostra libere et pacifice possidebimus et post decessum nostrum libere ad capitulum devolventur cum omnibus meliorationibus quas facturi sumus tam in predictis quam in hiis que capitulum acquisivit a Guidone de Monteregali ita tamen quod liberum erit nobis ordinare in quos usus proventus predictarum rerum distribuentur in servitio ecclesie Quod ut ratum permaneat et id idem presentis scripti testimonio annotari et sigilli nostri munimine fecimus roborari Actum anno Domini MCCXVI