Charter Document - 02360171
| Charter Number: | 02360171 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1216 |
| Date type: | Internal, A.D. |
| Resource Link(s): |
|
Charter:
Ego Patricius canonicus Autissiod notum facio tam presentibus quam futuris quod ego religiosis viris fratribus Grandi Montis commorantibus juxta Sanctum Mauritium pro anime mee et parentum et antecessorum meorum necnon bone memorie Willelmi de Nerbona fratris mei quondam canonici Autissiodorensis remedio et salute in perpetuam elemosinam dedi concessi quicquid habebam in veteri decima de Chaciaco et Reinfretum quemdam hominem meum de Lochiaco et heredes suos cum rebus suis et quoddam pratum et omnes costumas et denarios censuales quos habebant apud Lochiacum et etiam agnos qui debentur singulis annis ad Pascha apud Lochiacum et unum modium et dimidium vini quod habebam ad Villare super Tolum in clauso Richeorum Scientes quod ego post comparationem cartarum videlicet domni P archiepiscopi Senonensis et domini Droconis de Melloto Francorum constabularii et filiorum ejus Willelmi et D inveni et meam quas de jam dicta elemosina pretaxati Boni Homines habent crevi et emendavi predictam eleemosinam de Reinfreto et de heredibus suis prout superius dictum est et de aliis pluribus que plus in presenti carta quam in superius nominatis cartis continentur prefatis Bonis Hominibus superius nominatam elemosinam in perpetuum in pace possidendam Istam autem elemosinam laudavit nepos meus Milo miles de Ligneriis In cujus rei testimonium et perpetuum firmamentum presentem paginam sigilli mei munimine roboravi Actum anno Gratie MCCXVI