Charter Document - 02360170
| Charter Number: | 02360170 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1216 |
| Date type: | Internal, A.D. |
| Resource Link(s): |
|
Charter:
Ego Stephanus dictus abbas Sancti Michaelis et Johannes decanus Tornodor et Johannes Colum ballivus comitis Tornodor notum facimus omnibus presentibus et futuris quod Bonafilia relicta defuncti Stephani Cochet que cum viro suo et omnibus possessionibus suis ad Pontiniacensem ecclesiam de dono et elemosina nobilis viri Petri comitis Tornodor pertinet post mortem viri sui cum abbas et domus Pontiniaci caducum suum eidem mulieri concessissent pietatis intuitu toto tempore vite sue libere possidendum ipsa pro collato sibi beneficio Deo et ecclesie Pontiniac grates referens recognovit in presentia nostra quod omnes possessiones que eam contingunt tam ex parte sua quam ex parte mariti sui prefate ecclesie acquitavit et concessit imperpetuum et de presenti etiam investivit ita quod eas de cetero non suo sed ecclesie nomine tenebit Et in testimonium quod fratres Pontiniacenses veri domini sunt earumdem possessionum singulis annis in festo Omniumsanctorum pro recognitione et investitura reddet eis dimidium marcum argenti Promisit etiam firmiter et concessit quod nichil toto tempore vite sue de eisdem possessionibus vendere vel alienare vel titulo pignoris obligare poterit nec etiam se ipsam in matrimonium copulare nisi de assensu Pontiniaci Quod si forte quod absit aliquid contra hoc facere presumpserit concessit quod ipsi Pontiniacenses predictas possessiones sine contradictione saisiant tanquam proprietatis in manu sua jure perpetuo teneant In cujus rei testimonium presens scriptum sigillorum nostrorum munimine roboravimus Actum anno Gratie MCC sextodecimo