Charter Document - 02360164
| Charter Number: | 02360164 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1215 |
| Date type: | Internal, A.D. |
| Resource Link(s): |
|
Charter:
Ego Eustachia comitissa Sacricesaris notum facio universis quod cum filius meus karissimus bone memorie Andreas de Brena in extremis laborans ordinacionem testamenti sui et bonorum suorum mihi et dilecto fratri meo Willelmo de Tanlay pluribus astantibus commisisset nos communicato bonorum virorum consilio capitulo ecclesie Beati Stephani Autissiodorensis in qua idem Andreas filius meus sepultus est ob remedium anime ipsius ut ibi ejus perpetuo memoria maneat et annuatim ipsius anniversarium ibidem celebretur assignavimus in perpetuam elemosinam terragia costumas censum cum ventis que prenominatus Andreas habebat apud Prayz ut eidem capitulo maneant integra et quieta Et preterea unum de hominibus ejusdem Andree videlicet Josbertum Salvagium cum familia sua ut sint homines capituli supradicti et justicient se per illud Quod ut ratum permaneat in futurum presentem cartulam fieri et sigilli mei munimine testimonio roborari precepi Actum anno incarnati Verbi millesimo ducentesimo quinto decimo mense maio