Charter Document - 02360163
| Charter Number: | 02360163 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1214 - 1215 |
| Date type: | Internal, A.D. |
| Resource Link(s): |
|
Charter:
Petrus Dei gracia Senon archiepiscopus omnibus presentes litteras inspecturis in Domino salutem Noverint universi quod cum bone memorie Andreas Rufus presbyter et canonicus altaris Beate Marie de majori ecclesia Senonensi cuidam altari quod fecit construi in altera turrium ejusdem ecclesie quamdam domum cum quadam camera eidem domui contigua donavisset nos videntes cameram illam necessariam staciunculis quos de novo fecimus construi ante domum nostram Senonensem Fulconem presbyterum predicti altaris de turre requisivimus ut eam nobis dimitteret quod et fecit Nos autem volentes ipsum presbyterum indempnem servare concessimus ei et successoribus suis in recompensatione predicte camere unum staciunculum situm inter staciunculum Odonis Barberii et staciunculum Durandi Mercerii et triginta solidos parisienses tam super omnes predictos staciunculos quam super scambia ibi sita annis singulis duobus terminis percipiendis videlicet quindecim solidos in Nativitate Domini et alios quindecim in festo Beati Johannis Baptiste Quod ut ratum permaneat sigilli nostri munimine fecimus roborari Actum anno Gracie MCCXIV mense marcio