Charter Document - 02360156
| Charter Number: | 02360156 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1215 |
| Date type: | Internal, A.D. |
| Resource Link(s): |
|
Charter:
Willelmus decanus Autissiod omnibus ad quos littere presentes pervenerint in Domino salutem Universitati vestre notum facimus quod cum Harduinus sellarius imperpetuam dederit elemosinam ob remedium anime sue et defuncte uxoris sue nomine Clare domum suam in burgo Sancti Peregrini sitam karitatibus de Monte Autrico Autissiodorensis idem Harduinus ante donationem prefatam dedit et concessit ecclesie Beati Germani decem solidos annuales singulis annis vigilia Purificationis Beate Marie persolvendos super domum prefatam assignatos quicquid de domo contingat pro anima uxoris sue nominate Nos igitur de consensu quorumdam burgensium Autissiodorensis donationem et elemosinam istam ratam habentes et firmam ecclesie prefate presentes litteras tradidimus sigilli nostri munimine roboratas Actum anno Gratie MCC quinto decimo