Charter Document - 02360155
| Charter Number: | 02360155 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1215 |
| Date type: | Internal, A.D. |
| Resource Link(s): |
|
Charter:
Ego Odo prior de Venuxia et ego Droco de Melloto notum facio tam futuris quam presentibus quod cum quedam controversia verteretur inter fratres Pontiniacenses ex una parte et nobilem virum Guillelmum de Merlenniaco ex altera super terris pratis et quatuor solidis censualibus quos Petrus Ramellus sub legati titulo ecclesie Pontiniacensi in elemosinam dederat dictus Guillelmus dicebat omnium supradictorum medietatem de jure sibi competere aliam medietatem ad suum casamentum pertinere Tandem prudentum virorum acquiescentes consilio super his omnibus pars utraque in nos compromisit Nos vero de communi parti utriusque consilio prefatam controversiam hoc modo terminavimus Quod supradictus Guillelmus laudante uxore sua Helisabeth quatuor solidos censuales suprascriptos memoratis fratribus perpetuo quittavit et CCos solidos eisdem fratribus dedit Fratres vero Pontiniacenses terras et prata supradicta eidem Guillelmo et successoribus ejus perpetuo quittaverunt Ut autem hoc totum perpetuo ratum habeatur ego Odo prior de Venuxia et ego Droco de Melioto presens scriptum sigillis nostris rogatu memoratorum sigillavimus Actum anno Verbi incarnati MCCXV