Charter Document - 02360153
| Charter Number: | 02360153 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1215 |
| Date type: | Internal, A.D. |
| Resource Link(s): |
|
Charter:
Notum sit omnibus tam presentibus quam futuris quod fratres abbatie Beate Marie de Fontenoi in consortium fratrum suorum Matheum filium Hugonis filii Eroli prepositi receperunt Ipsum vero similiter dictum Hugonem tanquam fratrem recipient quotiescumque assumere habitum religionis legitime voluerit Si autem quod absit ipsum Hugonem inter seculares mori contigerit nominati fratres de Fontenoi tantum de ipso Hugone facient quantum de uno fratrum et hoc idem uxori ipsius Hugonis predicti fratres in morte concesserunt Sciendum vero quod sepe dictus Hugo dedit in eleemozinam nominatis fratribus de Fontenoi quandam vineam quam habebat in la Pouche et terram quam habebat sub arcam et unum jugeram terre desuper campum des Lices Quod ut ratum et stabile permaneat ego Stephanus abbas Sancti Michaelis Tornodori ad preces pretaxati Hugonis sigillum nostrum presenti cartule apposuimus Actum est hoc anno ab incarnatione Domini MCCXV