Charter Document - 02360150
| Charter Number: | 02360150 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1214 |
| Date type: | Internal, A.D., Feast |
| Resource Link(s): |
|
Charter:
Eustachius sacrista Nicholaus succentor et magister Bertrannus canonicus Autissiod omnibus presentes litteras inspecturis in Domino salutem Universitati vestre notum fieri volumus quod cum controversia verteretur inter venerabiles viros abbatem et conventum Sancti Mariani Autissiodorensis ex una parte et Johannem de Perrucheto milite ex alia super decima de Secro coram nobis auctore R cardinali apostolice sedis legato quam recepimus fine canonico terminandam cum predictus miles sepius a nobis predicta auctoritate fuisset citatus et sepius tanquam contumax eadem auctoritate excommunicatus tandem post longum tempus elapsum lite contestata instrumentis fratrum Sancti Mariani diligenter inspectis et plenius intellectis super proprietate predicte decime predictis fratribus adjudicata testibus quoque predictorum fratrum super predicta querela juratis receptis examinatis et postea publicatis omnibusque rite peractis secundum juris ordinem adhibito et habito prudentum et jurisperitorum consilio ecclesie Beati Mariani predictam decimam tam super proprietate quam super possessione pleno jure per diffinitivam sententiam adjudicavimus non minus super fructibus a tempore mote litis perceptis predictum militem condemnantes omnes quoque predicte possessionis perturbatores sive contradictores si qui forte apparuerint auctoritate premissa nobis commissa excommunicationis sententia innodantes Quod ut ratum sit et firmum et ut in perpetuum robur obtineat in hujus rei et totius facti memoriam litteras presentes fieri fecimus testimoniales sigillorum nostrorum munimine roboratas Actum anno dominice Incarnationis millesimo CCXIV mense julio Datum in crastino Sancti Jacobi apostoli