Charter Document - 02360145
| Charter Number: | 02360145 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1214 |
| Date type: | Internal, A.D. |
| Resource Link(s): |
|
Charter:
Ego Guillelmus divina miseratione Lingonensis episcopus notum facio omnibus presentem cartam inspecturis quod cum inter dilectum filium nostrum Andream priorem Sancti Aniani de Tornodoro ex una parte et leprosos de Tornodoro ex altera controversia emersisset super decimis vinearum quas leprosi possidebant in finagio Sancti Aniani contentio sopita est in hunc modum videlicet quod leprosi Tornodori reddent annuatim tres modios vini in cuppa pro omnibus vineis quas habebant in finagio predicto Hec sunt partes vinearum duo arpenta sunt in vinea defuncti Robelini duo arpenta in vinea Odeart unum arpentum in vinea de Operier unum arpentum in vinea de Valle Pagani tria quarteria in vinea Barbedorge tria quarteria in vinea Stephani Capellani tria quarteria in Rostien tria quarteria in vinea Andree Capellani li quartiers Gaaigna arpentum et dimidium in Vas Votois dimidium arpentum in Craio dimidium arpentum retro ecclesiam Leprosorum unum quarterium en la Lamine Preterea tam dicto priore quam leprosis consentientibus constitutum fuit quod si leprosi de cetero alias vineas preterquam prefatas acquisierint in decimatione Sancti Aniani qualicunque modo illas adepti fuerint de ipsis decimas dicto priori reddere tenebuntur Quod ut ratum habeatur in posterum sigilli mei munimine feci roborari Actum anno Gracie MCCXIV