Charter Document - 02360143
| Charter Number: | 02360143 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1214 |
| Date type: | Internal, A.D. |
| Resource Link(s): |
|
Charter:
A Dei paciencia abbas totusque conventus Escharleiarum cisterciensis ordinis omnibus Christi fidelibus presentes litteras inspecturis in Domino salutem Noverit universitas vestra quod cum quarta pars quam habebamus in toto territorio quod appellatur nemus Joscelini propter generale usuarium quod homines Sancti Juliani ibidem habebant nobis et ecclesie nostre esset in modico fructuosa ut ampliorem ecclesia consequi posset utilitatem nos eandem quartam partem integre tam in bosco quam in plano jure perpetuo possidendam reverendo patri nostro P Senonensi archiepiscopo unanimi voluntate et consensu vendidimus pro quadraginta libris pruviniensibus in utilitatem ecclesie nostre convertendis Quod ut ratum et inconcussum permaneat in futurum presentem cartam sigilli nostri fecimus munimine roborari Actum anno Gracie MCC quarto decimo