Charter Document - 02360141
| Charter Number: | 02360141 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Assignment |
| Date: | 1214 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis H decani Autissiod officialis salutem in Domino Scire volumus universis quod cum Maria filia bone memorie Theobaldi de Avineau canonicos Sancti Mariani coram nobis in causam traxisset super censu nemoris de Montaillemer quem ad se pertinere dicebat et dicti canonici respondere nollent eidem nisi maritus ejus corporaliter compareret diem utrique parte assignavimus in qua die Pontius maritus ejus comparuit et se ratum habiturum quicquid uxor ejus super eadem causa faceret fiduciavit Tandem post multas allegationes hinc inde propositas prius utroque consilio bonorum virorum in venerabilem virum Arnulphum abbatem Sancti Petri fratrem Robertum Abolam canonicum Sancti Mariani et Angenulphum cantorem de Braio compromisit Quorum arbitrio predicta M censum illum et si quam aliam querelam contra predictos canonicos usque ad illam diem habere videbatur receptis ab eis viginti tribus solidis quitavit Hanc quoque quitationem filius ejus Stephanus concessit et laudavit In cujus rei testimonium de voluntate et assensu partium predictus abbas et ego H decani Autisiodorensis officialis presentes litteras sigillorum nostrorum impressione fecimus roborari Actum anno Gracie MCC quarto decimo