Charter Document - 02360140
| Charter Number: | 02360140 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1214 |
| Date type: | Internal, A.D. |
| Resource Link(s): |
|
Charter:
Ego Willelmus comes Joviniaci notum facio tam presentibus quam futuris quod pro remedio anime mee et parentum meorum donavi et concessi imperpetuam elemosinam ecclesie Fontis Ebraudi monialibus ibidem Deo servientibus decem libras pruviniensium in pedagio Joviniaci in octabis Sancti Andree annuatim capiendas Et quicumque tenuerit dictum pedagium reddere tenebitur dictam pecuniam in dicto termino indilate Prefate vero moniales michi et uxori mee et liberis meis participationem omnium bonorum dicte ecclesie concesserunt ac tocius ordinis missarum et orationum participes nos fecerunt Michi vero et Beatrici uxori mee comitisse anniversarium nostrum post decessum nostrum annuatim concessere faciendum Quod ut firmum et ratum habeatur ego et Beatrix uxor mea comitissa presentem cartam sigillorum nostrorum munitione fecimus roborari Actum anno Gracie MCCXIV