Charter Document - 02360131
| Charter Number: | 02360131 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1213 |
| Date type: | Internal, A.D. |
| Resource Link(s): |
|
Charter:
Ego Willelmus comes Sacri Cesaris omnibus ad quos presentes littere pervenerint salutem Noverint universi quod Robertus prior de Senam quatuor uxores quas quatuor mei ligi homines desponsaverunt scilicet isti Stephanus Petauz Guillelmus Rapina Philippus gener ejusdem et Stephanus Arous abonavit ad abonamentum octo solidorum ad festum Beati Remigii persolvendorum et nisi ad terminum prefixum reddiderint monachi de Senam poterunt gagiare pro emenda Et est tale abonamentum quod uxor Stephani Petant reddet monachis tres solidos uxor Guillelmi Rapine duos solidos uxor Philippi generis ejusdem XII denarios uxor Stephani Arous duos solidos Et de uxoribus moiteriorum qui sunt inter me et heredes de Chaumani quod tallia que fiet super eos facta erit per meum prepositum et per maiorem prioris et per prepositum heredum de Chaumani Ego et heredes de Chaumani habebimus medietatem prior de Senam habebit alias Homines moiterii sunt isti qui habent uxores monachorum Bardins li Muniers et Gaufridus frater ejus Amioz et Petrus gener Poivoit Sciendum vero est quod super uxorem relictam Amenfreii Roichedent hominis monachorum fiet tallia a maiore prioris et a meo preposito donec pueri remanentes parciantur Et nisi ad prefixum terminum talliarum et abonnamentum reddiderint monachi licebit prefatis monachis predictos homines gagiare pro abonamento et emenda Insuper notandum est quod Johannes filius defuncti Benedicti homo ligius est monachorum Et ego habebo primum heredem qui ab illo egredietur Preterea sciendum est quod quando aliquis vel aliqua de abonatis vel talliatis morietur ego et prior de Senam pueros remanentes parciemur et unicuique pars sua cum possessionibus integre remanebit Et ut ratum habeatur sigilli mei munimine roboravi Actum anno Domini MCCXIII mense septembris