Charter Document - 02360130
| Charter Number: | 02360130 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1213 |
| Date type: | Internal, A.D. |
| Resource Link(s): |
|
Charter:
Ego Johannes de Barris notum facio omnibus presentes litteras inspecturis quod cum homines de Sancto Georgio in nemore de Mombolon quod est ecclesie Sancti Mariani Autissiodorensis animalibus et pecoribus suis de jure et consuetudine pasturam se debere habere dicerent et vellent habere abbate et canonicis Sancti Mariani vehementer contradicentibus et id negantibus tandem dominus Milo de Noeriis et homines illi ex una parte abbas et canonici ex altera compromiserunt in discretos viros Arnulfum abbatem Sancti Petri Eustachiam sacristam Sancti Stephani magistrum Willelmum de Vienna et magistrum Bertrannum canonicos Autissiodorenses promittentes sub pena quadraginta librarum se ratum habituros quicquid ipsi super predicta causa judicarent Cum ergo pars utraque testes quos et quot voluerit produxisset et productioni testium renunciatum esset utrinque predicti viri testes productos examinantes diligenter et dicta eorum considerantes attentius causam ipsam ecclesie Sancti Mariani per diffinitivam sententiam adjudicaverunt hominibus de Sancto Georgio super pastura quam requirebant perpetuum silentium imponentes Ideoque ego nolens quod ecclesia Sancti Mariani super hoc amplius molestetur sententiam a supradictis arbitriis promulgatam ratam habeo et ab hominibus de Sancto Georgio faciam firmiter observari Et ut hoc ratum et firmum permaneat hujus facti processum ad memoriam tam presentium quam futurorum presenti pagine commendavi et ipsam sigilli mei impressione confirmavi Datum anno Verbi incarnati MCC tercio decimo mense augusto