Charter Document - 02360128
| Charter Number: | 02360128 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1213 |
| Date type: | Internal, A.D. |
| Resource Link(s): |
|
Charter:
Ego Erardus de Brana notum facio universis presentibus pariter et futuris quod ego ingressurus iter peregrinationis Albigensis laudavi concessi et volui in perpetuum metacionem nemoris Alodiorum et nemoris quod dicitur Sancti Lupi quod est ecclesie Deiloci secundum distinctionem metarum inter duo nemora positarum Hanc autem metationem paulo ante legitime factam per dominum meum nobilem virum Galcherum de Joviniaco et me et Petrum militem de Linant et Philippum generum ejus ex una parte et abbatem Deiloci ex altera juraverunt in presentia Garnerii abbatis Deilocensis et Renaudi de Venesiaco a domino meo jam dicto Galchero de Joviniaco missi et servientis mei Willelmi Parisiensis Symon de Seant qui tempore metacionis dicte foreste erat prepositus in dicta villa domini mei sepedicti Galcheri et Galterus Dux qui tunc similiter erat prepositus meus et Theobaldus Bornus Christianus Pertuisez Galterus Borge Petrus Chevaliers Felix forestarius canonicorum Deiloci Frater Ricardus Jacobus de Haie Sciendum etiam quod dicti homines per juramenta sua metas inter duo dicta nemora secundum quod predictum est juste et racionabiliter posuerunt Actum anno Gratie millesimo ducentesimo tercio decimo mense junio