Charter Document - 02360118
Charter Number: | 02360118 |
---|---|
Cartulary Title: | Cartulaire général de l'Yonne |
Charter Language: | Latin |
Charter Origin: | Lay |
Charter Type(s): | Restitution |
Date: | 1212 |
Date type: | Internal, A.D. |
Resource Link(s): |
|
Charter:
Ego Petrus comes Autissiodori et Tornodori notum facio universis presentibus et futuris quod habeo in conductu meo nundinas monasterii Sancti Michaelis Tornodorensis et omnes ad illas euntes et ab illis redeuntes Contigit autem quod servientes mei peccatis suis exigentibus nundinis dicti monasterii violentiam intulerunt Commissione et violentia eorum cognita eos statim ad dictum monasterium remisi ut ei a servientibus meis condigna fieret satisfactio Actum anno Domini MCCXII mense octobri