Charter Document - 02360117
| Charter Number: | 02360117 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1212 |
| Date type: | Internal, A.D. |
| Resource Link(s): |
|
Charter:
Ego Petrus comes Autissiod et Tornodori notum facio universis presentibus et futuris quod donavi et concessi burgensibus de Tornodoro Pasticium ad communem utilitatem ville et ad communem usum Concessi etiam eis quod quando voluerint vindemiare poterunt per communem assensum ville et prepositi mei et quatuor burgencium electorum et si prepositus communi assensui ville et quatuor burgencium electorum resisteret ipsi nichilominus si commune bonum ville imminere viderint vendemiabunt Preterea concessi eis quod ipsi poterunt mittere custodes in vineis et in bladis per communem assensum ville et prepositi et quatuor electorum et si prepositus communi bono ville resisteret burgenses et quatuor electi nichilominus custodes in vineis et bladis instituent et destituent si viderint expedire Concessi etiam eis quod non capiam vel capi faciam quadrigas vel aurigas qui venient pro aliqua negociatione facienda pro aliquo negotio quod mihi emerserit sive de fortalicia sive de alio Actum anno Domini millesimo ducentesimo duodecimo mense octobri