Charter Document - 02360112
| Charter Number: | 02360112 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1212 |
| Date type: | Internal, A.D. |
| Resource Link(s): |
|
Charter:
Magister Giraudus officialis curie archidiaconi Senon omnibus presentes litteras inspecturis in Domino salutem Noverint universi quod Droco de Torigniaco miles in presentia nostra constitutus recognovit se censum quem habebat Senonis in Charroneria inter cimiterium Judeorum et domum Dei de Posterna magistro Philippo tunc officiali Senonensis nomine capituli Senonensis pro sexaginta solidis vendidisse Cujusmodi venditionem Elisabet de Prato uxor ejusdem militis que presens erat voluit et laudavit Quod autem audivimus et recognitum fuit coram nobis sub sigillo curie archidiaconi Senonensis salvo jure alterius presentibus litteris testificamur Actum anno Gracie MCC duodecimo