Charter Document - 02360110
| Charter Number: | 02360110 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1212 |
| Date type: | Internal, A.D. |
| Resource Link(s): |
|
Charter:
Ego Bodrans archipresbiter Sancti Prisci notum facio omnibus presentes litteras inspecturis quod Elisabet La Chate de Siligniaco relicta Itherii Caudadene de Marligniaco militis in presentia mea constituta vendidit abbati et conventui Sancti Mariani Autissodori duodecim bichetos bladi quos ipsi reddebant ei singulis annis pro decima terre sue de Boscheto Hanc venditionem laudaverunt filii sui Ancellus Li Chat et Guido Li Chat et fratres sui similiter Galterus et Herveus et idem Regnaudus frater ejus qui venditioni non affuit illam laudaret prefatis promisit canonicis et inde plegios illis dedit Willelmum de Chiniaco armigerum et Amauricum de Chanlo militem Promisit eciam eisdem canonicis quod inde faceret eis habere litteras domini Autissiodorensis episcopi dicte venditionis testimonium continentes et inde plegii fuerunt similiter predicti Willelmus de Chiniaco et Amauricus de Chanlo Quod ut ratum et firmum permaneat ad petitionem partium presentem paginam sigilli mei appositione signavi Actum est hoc apud Bellum Montem in domo nobilis mulieris Margarite domine videlicet Silliniaci anno ab Incarnatione Domini MCCXII