Charter Document - 02360108
| Charter Number: | 02360108 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1211 |
| Date type: | Internal, A.D. |
| Resource Link(s): |
|
Charter:
Petrus Dei gracia Senon archiepiscopus omnibus presentes litteras inspecturis in Domino salutem Notum facimus universis quod in nostra presentia constitutus nobilis miles Petrus de Serginis ecclesie de Pomeria in perpetuam elemosinam contulit et concessit quicquid habebat in decima territorii de Quois et insuper quindecim denarios censuales quos habebat super terra Gileberti de Compegniaco cum decima ejusdem terre que similiter sua erat De hiis autem omnibus devestivit se in manu nostra et nos ad petitionem ipsius dilectam filiam Hodebergim dicte ecclesie priorissam nomine ipsius ecclesie investivimus de eisdem Hanc elemosinam laudavit coram nobis Elisabeth nobilis uxor ejus Nos itaque elemosinam ipsam approbamus et volumus et eandem dicte ecclesie sub sigilli nostri testimonio confirmamus Actum anno Gracie MCCXI mense octobri