Charter Document - 02360099
| Charter Number: | 02360099 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1210 |
| Date type: | Internal, A.D., Feast |
| Resource Link(s): |
|
Charter:
Magister Ph curie Senon officialis omnibus [] Noverint universi quod cum prior Sancti Salvatoris de Braio in presentia nostra proponeret se habere octo denarios censuales in vinea quadam quam Robillardus civis Senonensis tenet in territorio quod dicitur Coupepie quos ei debuerat defunctus Remigius clericus ex eadem vinea sicut asserebat Stephanus et Fulco canonici Beate Marie in ecclesia Senon pro se et concanonicis suis Matheus de Sancto Symphoriano et Ansellus de Sancto Petrode Dongione presbiteri pro se et aliis presbiteris qui in eadem vinea octo denarios censuales ex donatione dicti Remigii vendicabant responderunt se nescire quod dictus prior censum quem exigebat haberet in vinea nominata Tandem de legitima inquisitione super hoc facienda et de dicto super hoc observando compromiserunt in arbitros sub pena C solidorum provinensium prior in magistrum Tecelinum de Chaalliaco nominati canonici pro se et concanonicis suis nominati presbiteri pro se et aliis presbiteris memoratis in magistrum Hugonem Daimberti Super quorum arbitrio firmiter observando idem prior constituit plegios de dicta pena Milonem Guiliotum et Giraudum presbiterum de Jaunia Dicti vero Stephanus et Fulco canonici pro se et concanonicis suis prenominatos Matheum et Ansellum presbiteros plegios constituerunt de dicta pena Idem et Matheus et Ansellus pro se et memoratis presbiteris qui cum eis censum in eadem vinea vendicabant de eadem pena se plegios concesserunt Facta autem inquisitione legitima dicti arbitri communicato bonorum virorum consilio arbitrati sunt quod dictus prior octo denarios censuales habebat in vinea supradicta Quod autem ab arbitris audivimus ad eorum peticionem sub sigillo curie Senonensis testificamus Datum die jovis infra octabas Nativitatis Domini anno Gracie MCC decimo