Charter Document - 02360095
| Charter Number: | 02360095 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1210 |
| Date type: | Internal, A.D. |
| Resource Link(s): |
|
Charter:
Ego Petrus comes Autissiodori et Tornodori notum facio universis presentibus pariter et futuris quod donavi in perpetuum et quitavi Deo et ecclesie Pontiniaci et fratribus ibidem Deo servientibus Stephanum Corchetum de Tornodoro cum uxore et liberis et omni possessione sua immunem et liberum ab omni consuetudine et justitia Donavi etiam dicte ecclesie centum arpenta de Bosco Barri preter alias donationes que in aliis cartis meis continentur Preterea cum baillivi mei consuetudines polanorum et cordarum a fratribus Pontiniac in domo eorum que est juxta Autissiodorum exigerent cognito per bonorum virorum testimonium me nichil juris in hoc habere dictam domum in perpetuum super hoc quitavi et semper in bona pace super hoc esse concessi Et ut ista perpetue stabilitatis robur obtineant presentem paginam sigilli mei munimine roboravi Actum anno Incarnationis dominice MCCX mense julio