Charter Document - 02360088
| Charter Number: | 02360088 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1210 |
| Date type: | Internal, A.D. |
| Resource Link(s): |
|
Charter:
Ego Willelmus Dei gracia Altissiod episcopus notum fieri volo universis tam presentibus quam futuris presens scriptum inspecturis quod cum inter dilectos filios abbatem et monachos Pontiniaci ex una parte et nobilem mulierem Hermengardem relictam Philippi de Anceio militis ex altera super quibusdam pratis que Insule appellantur controversia verteretur tandem dicta domina recognoscens se in dictis pratis nichil juris habere destitit penitus a lite mota et filius ejus Josbertus et filie similiter destiterunt et ita monachi in pace remanserunt Laudaverunt preterea in presentia nostra tam domina memorata quam filius ejus Josbertus et filie elemosinam quam Philippus vir ejus decedens legaverat ecclesie Pontiniacensi videlicet pasturagium in terra sua circa Venusiam et Soeli et tertias quarumdam terrarum que sunt circa grangiam de Fulcheriis Et ne super his recidiva questio in posterum oriretur ad petitionem tam dicte domine quam filii ejus Josberti et filiarum ipsius et predictorum monachorum presentes litteras in testimonium fecimus fieri et sigilli nostri munimine roborari Actum anno Verbi incarnati MCCX