Charter Document - 02360082
| Charter Number: | 02360082 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1209 |
| Date type: | Internal, A.D. |
| Resource Link(s): |
|
Charter:
Magister Philippus curie Senon officialis omnibus presentes litteras inspectaris in Domino salutem Noverint universi quod constituti in presentia nostra Milo Charsalee et Maria uxor ejus recognoverunt se quandam domum sitam in parrochia Sancti Hylarii Senonensis pauperi domui Sancti Antonii Senonensis pro suarum remedio animarum in elemosinam contulisse quamdiu ambo vixerint vel alter eorum in eadem domo collata si voluerint mansuri et quamdiu in ea manserint vel alter eorum dicte domui Sancti Antonii quinque solidos parisienses annuatim pro recognitione hujus donationis daturi de qua etiam domo se in manu nostra devestiverunt Et nos ad eorum petitionem magistrum Sancti Antonii investivimus de eadem domo Concessit eciam eis idem magister domus Sancti Antonii quod quandocumque in eadem domo religionis causa cum omnibus rebus suis duxerint se reddendos liberum ibi habebunt et sine contradictione ingressum Actum anno Gracie millesimo ducentesimo nono mense octobri