Charter Document - 02360079
| Charter Number: | 02360079 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1209 |
| Date type: | Internal, A.D., Calendar |
| Resource Link(s): |
|
Charter:
Petrus Dei gracia Senon archiepiscopus omnibus presentes litteras inspecturis in Domino salutem Noverint universi quod nos dedimus duobus capellanis Nicholao videlicet et Petro quos instituimus ad servicium altaris Beate Marie Egiptiace siti in ecclesia Senonensis domum que fuit defuncti Roberti presbiteri de Vilerloie sitam ante domum magistri Fulconis phisici et plateam quandam quam emimus sitam juxta domum Roberti Suavis ita quod in platea illa domus non poterit construi sed vendetur et similiter domus predicta et de precio earum dicti capellani domos ement competentes sibi et successoribus dicti altaris canonicis in perpetuum possidendas In cujus rei memoriam presentes litteras scribi fecimus et sigilli nostri auctoritate communiri Actum anno Gracie MCC nono mense junio septimo Kal ejusdem mensis