Charter Document - 02360076

Ego Petrus abbas Sancti Martini Trecensis notum volumus fieri universis presentis litteras inspecturis quod querela vertebatur inter me et capitulum Sancti Martini Trecensis et capellanum de Sormeri et nobilem virum Stephanum militem et Milonem filium ejus et Agnetem ejusdem Milonis uxorem et parrochianos predicte ville ex una parte et abbatem et conventum Pontiniacensem ex altera parte Nobilis siquidem vir Stephanus et parrochiani supredicte ville dicebant quod ad reficiendam ecclesiam de Sormeri quotiens opus esset usuagium in nemore de Franquul habebant Abbas vero et conventus Pontiniaci e contrario dicebant quod ecclesia de Sormeri in nemore de Franquul nullum usuagium habebat sed debita prescriptione dictum nemus in bona pace possederant Tandem memoratus Stephanus utriusque ecclesie paci providens et quieti et utilitati dedit ecclesie de Sormeri pro remedio anime sue et uxoris sue Esmeline et predecessorum suorum XX solidos censuales annuatim in crastino Sancti Remigii persolvendos tali conditione ut prefatum nemus de Franquul fratribus Pontiniacensibus liberum et quietum perpetuo remaneret Ego vero P abbas et Capitulum Sancti Martini Trecensis et capellanus de Sormeri et sepe dictus Stephanus et Milo filius ejus et Agnes ejusdem Milonis uxor et omnes parrochiani predicte ville pro annuo censu memoratum nemus de Franquul fratribus Pontiniacensibus liberum et quietum concessimus et laudavimus et omnino quittavimus Ut autem hoc totum suprascriptum inviolabilem obtineat perpetuo firmitatem ego P abbas ex assensu capituli Beati Martini Trecensis ad petitionem sepedicti Stephani militis et ejusdem filii Milonis et ipsius uxoris Agnetis et omnium parrochianorum de Sormeri presentem paginam sigillo nostro roboravimus Actum anno Verbi incarnati MCC nono