Charter Document - 02360073
| Charter Number: | 02360073 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1209 |
| Date type: | Internal, A.D. |
| Resource Link(s): |
|
Charter:
Ego Adam vicecomes Meleduni notum facio omnibus presentes litteras inspecturis quod Johannes archidiaconus Senonensis frater meus contulit quadraginta solidos parisienses pietatis intuitu ecclesie Beati Stephani Senonensis in perpetuam elemosinam singulis annis in vigilia apostolorum Philippi et Jacobi in pedagio apud Meledunum de porcione sui patrimonii percipiendos et ordinavit in collacione dictorum denariorum quod ex illis in matutinis Inventionis Beati Stephani et vesperis sequentibus ejusdem festivitatis ministrentur in ecclesia ipsa centum cerei qui ardeant in ecclesia quousque fuerit servicium in ipsa nocte et sequentibus vesperis omnino completum Quod ut ratum permaneat ego de cujus feodo res movet ad petitionem fratris mei Johannis archidiaconi Senonensis confirmo Actum anno Gracie MCC nono