Charter Document - 02360071
| Charter Number: | 02360071 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Testimony |
| Date: | 1208 |
| Date type: | Internal, A.D. |
| Resource Link(s): |
|
Charter:
Ego Drocho de Merloto miles et ego Willelmus filius ejus notum fieri volumus presentibus pariter et futuris quod D uxor Hugonis militis de Chevannis ipso Hugone et filiis suis H et Her et Jo presentibus et consencientibus dedit in legato ecclesie Beati Germani Autissiodorensis triginta solidos autissiodorenses annuatim die die anniversarii sui ad refectionem fratrum predicte ecclesie reddendos in hoc super terram suam de Belcha et Chevannis que ad eam jure hereditario pertinere dinoscitur Ad hec predicta D dedit ecclesie Beate Marie de Bello Monte redditus ad opus et usum unius lampadis imperpetuum procurande Et nos ad peticionem prefatorum Hugonis et ejus filiorum nos tutores et hujus legati concessimus fore et defensores si quid questionis super hoc forte emanaret Quod ut ratum et firmum habeatur sigillorum nostrorum munimine curavimus roborari Actum incarnati Verbi anno Domini MCCVIII mense aprili