Charter Document - 02360064
| Charter Number: | 02360064 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1207 |
| Date type: | Internal, A.D., Calendar |
| Resource Link(s): |
|
Charter:
Andreas procurator censive capituli Senon omnibus ad quos littere presentes pervenerint in Domino salutem Noverit universitas nostra quod cum Pino Claudius de Naalliaco domum suam de censiva capituli Senonensis contiguam domui Dei Senonensis ante ecclesiam Beati Stephani vendidisset Regnaudo de Naalliaco canonico Bituricensis et Petrus de Sancto Juliano clericus prefati Pinonis consobrinus ratione propinquitatis dictum Regnaudum super eadem domo impeteret constitutis ad litigandum in presencia nostra partibus videlicet Petro clerico ex una parte et Goffrido de Naalliaco ex altera quem prefatus Regnaudus frater suus loco sui procuratore tocius cause sue constituerit cognito ex utriusque partis confessione nobis publice facta in jure quod memoratus Petrus clericus in propinquiori gradu consanguinitatis contingebat Pinonem qui domum vendiderat quia predictus Regnaudus de consilio prudentum virorum qui aderant decrevimus quod idem Regnaudus Petro clerico ratione propinquitatis cedere debebat et recepto precio domus vendite ab eodem Petro tenebatur ipsum Petrum mittere in possessionem ejusdem domus presertim cum nundum esset annus elapsus a die venditionis facte et Petrus instanter offerret ei precium domus [] presentiarum pro manibus habebat Quod totum in oculis nostris sine omni contradictione completum est Petro tradente sexaginta novem libras parisienses Goffrido procuratori sepedicti Regnaudi et eodem Goffrido pecunia prius numerata et resignante in manu nostra sicut moris est domum memoratam de qua post talem resignationem Petrum clericum vestivimus In cujus rei memoriam quia sigillum proprium non habebamus presenti carte sigillum [curie] Senon in cujus censiva supradicta domus contineri dinoscitur fecimus apponi Actum tercio nonas septembris anno Gracie MCCVII