Charter Document - 02360057
| Charter Number: | 02360057 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1206 |
| Date type: | Internal, A.D. |
| Resource Link(s): |
|
Charter:
Manasses archidiaconus et Willelmus thesaurarius Senon omnibus ad quos littere presentes pervenerint in Domino salutem Noverint universi presentes pariter et futuri quod inter venerabilem Adam abbatem et canonicos Deilocenses ex una parte et Michaelem presbiterum de Chanlaio ex altera questio super decimis emersisse utraque pars abbas scilicet Deiloci et Michael presbiter de Chanlaio ex voluntate et assensu domini Gaufridi decani Senonensis ad quem ecclesia de Chanlaio pertinebat in nos compromiserunt concedentes sub pena decem librarum ut quicquid super hoc inter eos concordia vel judicio disponeremus ratum haberent Tandem post multas altercationes ad peticionem partium nobis mediantibus in hanc formam pacis unanimiter convenerunt quod presbiter de Chanlaio sine alterius participio habebit tractum decime presbiteralis in qua decima etiam de novalibus canonici Deiloci terciam partem habent scilicet de annona de canabo vino lino pisis et fabis et guasdia de aliis vero fructibus nichil predicti percipient canonici De canabo lino et guasdia que in finagio magne decime fient habebunt similiter canonici Deilocenses terciam partem Decima vero pisarum fabarum et vitiarum est de majori decima Pro tractu etiam supradicto habebit presbiter quatuordecim sextarios annone et unam minam scilicet quatuor sextarios et unam minam frumenti si in decima fuerint et decem sextarios ordei et preterea unam minam frumenti quam domino quondam de Pogiaco donavit in elemosinam ecclesie de Chanlaio Habebit preterea decimam Gillaude per se sine participe Terre quoque ecclesie de Chanlaio quas in presentiarum possidet ab omni decima erunt immunes Si que autem terre deinceps acquirentur ecclesie jam dicte de illis solventur decime sicut solvi solebant antequam ad ecclesiam devenirent Serviens qui decimam presbiteralem trahet canonicis fidelitatem faciet In laboribus suis sicut et alii decimam solvet preter quam de terris ecclesie quas in presentiarum possidet que ut dictum est a decimarum solutione sunt immunes Ut igitur hujus compositionis firmitas perpetuam stabilitatem obtineat ad peticionem partium eam presenti pagine fecimus annotari et sigillorum nostrorum patrocinio roborari Actum Senonis idus maii anno Verbi incarnati MCC sexto