Charter Document - 02360056

In nomine [] Ego Petrus comes Autisiod et Tornod et dominus Malliaci [] Quilibet hominum Mailliaci singulis annis in festo Sancti Remigii quinque solidos monete Autisiodor pro festagio domus sue michi dabit salva tamen libertate clericorum et militum qui nullum debent festagium Nullus hominum Mailliaci aliquam curvatam nec michi nec alteri faciat nisi tantum illi qui quadrigas habebunt qui semel in anno si submoniti fuerint quadrigas suas michi usque ad Betriacum vel usque ad Voletenetum vel usque ad Collengias pro cibis meis quadrigandis a commodabunt et semel in anno michi adducent ligna de Fretoy in domum meam de Mailliaco ad comburendum si inde submoniti fuerint Quincunque in parrochia Mailliaci anno et die manserit nullo clamore eum sequente neque per dominum Mailliaci sive per prepositum rectitudinem prohibuerit deinceps liber et quitus permaneat hoc tamen observato quod si aliquis militum casatorum Mailliaci aliquem hominem apud pro servo suo calumpniaverit et hec tercia manus militum et procinctu parentele probare poterit ille servus ultra quindecim dies non tenebitur apud Mailliacum sed in salvo conductu extra castellaniam Mailliaci conducetur Quicunque in parrochia Mailliaci domum suam aut pratum aut vineam aut agrum aut quamcumque aliam possessionem anno et die pacifice tenuerit nulli super hoc de cetero respondebit nisi aliquis qui se jus sciat in hoc habere et qui per illum annum extra patriam moram fecerit voluerit reclamare Homines de Mailliaco illum usagium habebunt in bosco de Fretoy quem in eo semper habuerunt hoc eciam observato quod forifacta mea de bosco sicut et alia de sexaginta solidis ad quinque solidos et de quinque solidis ad duodecim denarios veniant Si cui impositum fuerit quod in garena mea in planum venatus fuerit solo juramento se deculpabit alioquin quinque solidos emendabit Nullus carnificum Mailliaci pro carne mortua vendicionem dabit De excasuris ita erit quod semper ad propinquiorem heredem deveniet Si vero mortuus nullum heredem habuerit burgenses Mailliaci tenebunt per annum et diem in manu sua excasuram et si infra illum terminum aliquis venerit qui se sciat jus habere in excasura quicquid per legitimorum testium probationem acquirere poterit habebit alioquin post annum et diem ad dominum Mailliaci deveniet excasura Nullus vinum Mailliaci cum edicto vendat nisi dominus Mailliaci qui vinum vinearum suarum tantum in mense augusto vendere poterit Has itaque consuetudines ego et Yolendis comitissa uxor mea bona fide tenere in perpetuum juravimus presentem paginam sigillorum nostrorum munimine roborantes Juraverunt hoc Philippus filius meus Acelinus de Merriaco Wuillermus de Nugeyo Hugo de Mailliaco Augalo de Boy Johannes Berarz Garterus Marescalli et Petrus Lecardi et Henricus buticularius Promisi eciam hominibus Mailliaci et concessi quod tociens apud Mailliacum prepositum vel mandatum meum mutavero has convenciones jurabunt