Charter Document - 02360052
| Charter Number: | 02360052 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1205 |
| Date type: | Internal, A.D. |
| Resource Link(s): |
|
Charter:
Adela Dei gratia Francorum regina noverint presentes et futuri quod nos dilectis in Christo abbati et monachis Sancti Petri Vivi Senonensis pro salute anime nostre et Ludovici piissimi regis Francorum quondam mariti nostri donavimus censivam unam duorum solidorum et trium denariorum et quicquid habebamus in villa que dicitur Saligni que est predictorum monachorum et in ea libertate qua eam tenebamus predictis monachis quitavimus in perpetuum possidendam Predicti vero monachi nobis intuitu pietatis et misericordie concesserunt quod singulis annis anniversarium nostrum celebrabunt Et ne ista donatio in posterum in irritum valeat revocari presentis scripti paginam sigilli nostri munimine fecimus confirmari Actum Meleduni anno incarnationis Verbi MCC quinto mense octobri