Charter Document - 02360051
| Charter Number: | 02360051 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1205 |
| Date type: | Internal, A.D. |
| Resource Link(s): |
|
Charter:
Magister J de Ponte officialis curie Senonensis omnibus presentes litteras inspecturis in Domino salutem Universitati vestre notum fieri volumus quod Andreas de Evriaco Milo Johannes et Willelmus fratres pro eo quod Freessendis mater eorum a fratribus domus de Populino recepta est in conversam decimam de Evriaco et medietatem prati quod ibidem habebant eidem domui contulerunt quam dicti fratres a canonicis altaris Sancti Petri Senonensis de duodecim libris parisiensis monete redemerunt Dictus etiam Andreas pasturam suam de Minteio et censivam quam de ipso dicta domus tenebat Elisabeth uxore sua de cujus parte hec tenebat laudante et concedente salvo suo censu donavit Erlebaudus insuper miles frater predictorum Andree M J et Willelmi de cujus feodo supradicta decima est donationem ab eis factam laudavit et concessit et eidem domui fide prestita inde garantiam se ferre promisit Ad hujus itaque rei memoriam presentem paginam fecimus annotari et sigilli Senonensis curie munimine roborari Actum anno Gracie MCCV mense junio