Charter Document - 02360045
| Charter Number: | 02360045 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1205 |
| Date type: | Internal, A.D. |
| Resource Link(s): |
|
Charter:
Ego Petrus comes Autissiodorensis et Tornodorensis notum facio tam presentibus quam futuris quod Petrus de Corchum dedit Deo et Beate Marie de Reignaco et fratribus ibidem Deo servientibus imperpetuam elemosinam pro salute anime sue vineam quam habebat in clauso quod dicitur de Pouzeio duo scilicet arpenta et amplius necnon et octoginta solidos in censu de Corchum et in reditibus ejusdem ville Postea Petrus miles filius predicti Petri dedit predictis fratribus viginti solidos in reditibus predicte ville Hanc vero pecuniam tenebitur reddere quicunque predicte ville de Corchum dominium habebit medietatem ad festum Sancti Remigii et aliam medietatem in Ramis Palmarum Hoc totum laudavit A uxor senioris Petri mater eciam junioris Hoc eciam laudaverunt fratres juniores Petri Manasses et Robinus et Willermus et filie sue et frater senioris Petri Fornerius Et ut hoc firmius habeatur ad preces predicti Petri senioris presentem paginam auctoritate sigilli nostri munivimus Actum anno incarnati Verbi MCC quinto