Charter Document - 02360044
| Charter Number: | 02360044 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1205 |
| Date type: | Internal, A.D. |
| Resource Link(s): |
|
Charter:
Magister Josbertus de Ponte curie Senonensis officialis omnibus presentes litteras inspecturis in Domino salutem Noverint universi quod constitutus coram nobis Nicholaus de Jauna canonicus Senonensis recognovit quod ipse tenebatur clericis chori Senonensis non canonicis in solutione quadraginta solidorum Parisiensium eisdem clericis Salonis bone memorie quondam decani Senonensis anniversario assistentibus distribuendorum Assignavit etiam idem N dictos quadraginta solidos eisdem clericis cum profecturus esset ad Sanctum Jacobum super vineam suam de Paron ita quod si eumdem N in peregrinatione illa decedere contigerit dicta vinea ad predictos clericos libere et quiete devolvetur Superaddidit etiam dictus N decem solidos supradictis quadraginta ita quod in anniversario dicti Salonis triginta solidi in anniversario vero sepedicti N reliqui viginti solidi eisdem clericis distribuentur Si vero eumdem N redire contigerit ipse infra quindenam postquam redierit vel requisitus fuerit si assignatio ista displicuerit clericis sepefatis assignabit dictos quinquaginta solidos in loco meliori et competentiori ad voluntatem eorumdem clericorum Preterea idem N legavit eisdem clericis pro remedio anime sue domum suam lapideam in claustro sitam quam ipse sicut coram nobis asseruit propriis sumptibus construxit et granchiam suam cum omnibus appendiciis suis extra muros civitatis sitam post obitum Stephani clerici nepotis sui tali conditione quod proventus inde venientes prememoratis clericis surgentibus ad matutinas ab octabis Pentecostes in antea donec omnes distributi fuerint legitime distribuantur Quod ut ratum et inconcussum maneat sigillum curie Senonensis presenti scripto apponi fecimus ad petitionem tociens dicti N Ipse vero N ad majorem confirmationem proprio sigillo presens scriptum precepit roborari Actum anno Gratie millesimo ducentesimo quinto