Charter Document - 02360041
| Charter Number: | 02360041 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1204 - 1208 |
| Date type: | Assigned |
| Resource Link(s): |
|
Charter:
R Dei gratia humilis episcopus G abbas Sancti Petri et G archidiaconus Cabilonensis dilecto in Christo decano Sancti Vinemerii et omnibus presbiteris ad quos presentes littere pervenerint salutem in Christo Super causam que agitur coram nobis auctoritate apostolica inter fratres milicie Templi ex una parte et Villermum de Tanlai militem fratrem comitis Petri cum predictus miles pluries citatus non venerit nec sufficientem aliquando miserit responsalem propter defectum ejus et contumaciam et etiam dolum manifestum quare per citationem nostram recessit in Normaniam predictos fratres misimus in possessionem nemorum et pascuorum que de jure contra ipsum militem ad eos dicuntur pertinere et similiter de parte ipsius militis pro estimatione dampnorum que ipse et sui predictis fratribus fecerunt auctoritate igitur qua fungimur in hac parte vobis firmiter precipimus quatenus omnes perturbatores istius possessionis excommunicetis et ab omnibus arctius evitari faciatis donec predictis fratribus satisfecerint in omnibus competenter Recipe litteras