Charter Document - 02360038
| Charter Number: | 02360038 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1204 |
| Date type: | Assigned |
| Resource Link(s): |
|
Charter:
Juris erat regalis ut quando dominum regem vel aliquem de suis itineris occasio seu motus proprie voluntatis ad aliquod episcopale domicilium divertere faciebat recipiebatur et procurabatur honorifice Hoc grave existens et onerosum debitum episcopus divina procurante clementia et occasionis congrue opportunitate prestante in perpetuum taliter abolevit Nam cum Gyemi castrum nobilissimum Hervei de Donziaco comitis Nivernensis quod erat de feodo Autissiodorensis ecclesie in proprietatem regiam devenisset juxta pactorum formam quam dominus rex Philippus concesserat et fecerat ut ipse filiam Petri Nivernensis comitis cui filie competebat jure hereditario comitatus haberet in uxorem translato in regem taliter castri dominio episcopus apud regiam magnificentiam multa interpellavit instantia quoniam feodum ecclesie sine ejus prejudicio non poterat retinere tandem in recompensationem feodi obtinuit confecto inde regali instrumento quod rex procurationes hujusmodi remisit episcopis in perpetuum et ne episcopus Autissiodorensis in aliquo domiciliorum suorum ipsum vel aliquem ex ejus nomine recipere hospitio aut ministrare necessaria teneretur concessit salvo nihilominus cereo centum librarum ceree qui in festo Sancti Stephani die Inventionis ejus videlicet in augusto a castri predicti dominis Autissiodorensi ecclesie solvi ex antiqua consuetudine consuevit quem usque hodie dominus rex a prepositis suis de Gyemo fecit persolvi pena apposita quod quotiens prepositi cereum illum suis terminis non reddebant pro singulis diebus quibus in solutione cessabant quinque solidos parisienses ipsi irremissibiliter componebant Utilis sane recompensatio et ecclesie proficua cum multum ex eo omnibus sit remissum et de feodo Gyemi eis nihil nisi honor accresceret sine fructu