Charter Document - 02360015
| Charter Number: | 02360015 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1202 |
| Date type: | Internal, A.D. |
| Resource Link(s): |
|
Charter:
Ego Milo de Pugiaco dominus Sancti Valeriani omnibus ad quos presentes littere pervenerint salutem Notum facio tam futuris quam presentibus quod quedam controversia que diu inter ecclesiam Beati Johannis et quosdam meos homines de Fulcheris versata est super quodam territorio de Vilebroix quod ad jus predicte ecclesie pertinet tandem in hunc modum pacificata est quod predicti homines et eorum heredes terram illam quam tunc temporis coluerant quamdiu voluerint colent nec amplius nisi voluntate abbatis illius ecclesie colere licebit hac eciam conditione quod jam dicto abbati plenariam justiciam et dominacionem in vendicionibus et laudacionibus et aliis modis de terra illa persolvent et de singulis arpentis terre illius ad festum Sancti Remigii duos denarios et obolum parisienses mansionariis singulis annis reddent Tempore vero messis cum nuncius ecclesie gerbas numeraverit antequam gerbas homines illi moveant terragium ducent vel duci facient Abbas etiam ad terragium ducendum usque ad Vilebroix garantiam feret hominibus illis a campo usque ad Vilebroix et in reditu de Vilebroix usque ad campum Hoc laudavit Isabiaux uxor mea Quod ut ratum sit sigilli mei attestacione firmavi Actum anno Gratie millesimo ducentesimo secundo