Charter Document - 02360012
| Charter Number: | 02360012 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1202 |
| Date type: | Internal, A.D. |
| Resource Link(s): |
|
Charter:
Petrus Dei gracia Senon archiepiscopus Omnibus tam futuris quam presentibus ad quos littere presentes pervenerint eternam in Domino salutem Notum facimus quod Hugo filius Daimberti Carnificis et Brima uxor sua cives Senon totam decimam quam habebant apud Sergines que movebat ex parte mulieris supradicte ad opus domus leprosorum de Popelin in manu nostra libere resignarunt et nos ad peticionem ipsorum cui gratum et facilem in hac parte prebuimus assensum fratrem B[artholomeum] magistrum domus predicte de Popelin nomine ejusdem domus de decima investivimus memorata Hoc concessit et laudavit Petrus de Sergines miles de cujus feodo erat decima illa et fide data in manu nostra se plegium constituit coram nobis de recta garandia portanda Theo etiam prepositus et Hugo maior Sancte Columbe fide similiter interposita in manu nostra promiserunt se eidem domui de dicta decima rectam garandiam portaturos Si domus ejusdem fratres super hoc contingeret ipsis viventibus ab aliquo molestari similiter et Salo prefati Hugonis Carnificis frater in presentia nostra fide interposita dicte domui super hoc eodem se rectam garandiam portaturum promisit In cujus rei testimonium posteris relinquendum presens scriptum sigilli nostri munimine fecimus roborari Actum Senonis in domo nostra anno Incarnationis dominice MCC secundo mense aprili