Charter Document - 02360011
| Charter Number: | 02360011 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1202 |
| Date type: | Internal, A.D. |
| Resource Link(s): |
|
Charter:
Magister Jobertus Domini archiepiscopi et Fulco domini archidiaconi Senonensis officiales omnibus qui has litteras viderint in Domino salutem Noverint universi quod constituti in presencia nostra Johannes Gossart et Guido gener ejus coram nobis vendiderunt abatisse de Pomerio terras et prata que habebant inter villam de Gisi et viam stratam que est inter Senonas et Pontes pro triginta libris par et has terras et prata quitaverunt et venditionem laudaverunt uxores ejus Petronilla et Elisabeth et filius dicti Johannis Robinus et sorores ejusdem R Luca et maritus ejus Renerius Piogier et Odelina et maritus ejus Girardus de Pluvent Et dederunt plegios de garantia ad consuetudinem senonensem portanda Guido pro se Robinum sororium suum et dictum Johannem Gossart idem Johannes Robinum filium suum Fidejussit etiam idem R pro patre suo quod pater venditionem istam laudari faciet et quitari usque ad Pascha a Garino filio suo clerico vel reddet pecuniam de vendicione receptam et dampna que pro emptione recepit et expensas modestas quas fecerit pro eadem Quod ut ratum permaneat presens scriptum sigillorum curie domini archiepiscopi et domini archidiaconi Senon fecimus munimine roborari Actum anno Domini MCC secundo